清洗常見問題

大約 2 個鐘，大部分品牌型號都係咁。加門膠邊除霉多大約 15 分鐘。部機特別污糟、款式特別或者水龍頭位置遠，可能要耐啲。

唔拆機。師傅先用內窺鏡由千眼照入去睇內膽背面，再用 60°C 高濃度活性氧浸 15 分鐘，加發泡促進劑浸多 5 分鐘，跟住用高壓水槍對住千眼沖三次，邊沖邊排水。沖完再用內窺鏡複查，仲有污糟就再沖，最後空機行一次。12 步逐步睇。

唔使。師傅喺原位做，高壓清洗機駁你屋企嘅水龍頭。

排水泵、缸底喉呢啲要拆機先清到，舊機嘅零件拆落嚟可能已經老化，裝返有漏水風險。洗衣機缸底喉頂部有設計防止機底污水倒流返內膽，所以只要內膽乾淨，洗衫就乾淨。

冇影響洗衫。過濾器同排水喉係排污水嘅部分，污水唔會倒流返內膽。過濾器你可以自己定期拆出嚟清，保持排水順暢。

師傅用擦手紙抹乾門膠邊，塗除霉啫喱並按摩發黑嘅位，等佢滲透，再抹走啫喱。可以甩到嘅霉都會清走，前後都影相畀你對比。霉滲入膠入面太深嘅，未必可以完全去除。

只收 HK$280 上門檢查費。部機試機發現有故障洗唔到都係一樣。如果洗唔到係我哋設備或者技術嘅問題，就乜都唔收。客服預約前會先同你確認部機狀況，盡量避免白行一趟。

有。同一部機一年內喺我哋洗過，再洗減 HK$200，一般型號即係 HK$680。洗過嘅機一年內通常仲算乾淨，清洗過程易控制啲。

港九新界大部分地區都有。打鼓嶺、大嶼山、坪洲、愉景灣、昂坪、布袋澳暫時未有。加州花園、東涌、馬灣、山頂等交通不便嘅地區會加地區附加費，落單時會講明。

會，因為師傅要孭大約 20 公斤工具行樓梯：三至五樓 +HK$100，六至八樓 +HK$200，九樓或以上 +HK$300。你幫手搬工具上落就可以豁免。

師傅星期一至六上門，最遲下晝 5 點到。下晝 5 點後屬晚間時段，要為你特別預留師傅同調配路線，所以會加收 $200 晚間服務費。約好嘅時間請確保有人喺屋企，例如約 5 點，5 點就要有人，唔好遲到。指定當日或特急上門另加 HK$200，兩樣有機會同時收，報價時一定會講明。

先自己試機：空機或者用準備掉嘅舊衫行一次，聽下有冇怪聲，洗完望下內膽有冇沙石。有問題先影片或者影相畀我哋，睇下要唔要先維修。

前置式：打開門，好似轉風車咁快快手轉內膽，轉得唔順、搖晃或者有怪聲就可能有問題。上置式：試下提起內膽左右兩邊，左右郁得多就可能偏移或者斷咗。內膽見到好難壓碎嘅黑色灰色沙石，都可能係軸芯剝落。錄低條片聯絡我哋，同事幫你睇。

預先知道排水有問題，請先約維修師傅整好再洗，唔使白付上門費。上到門先發現排水慢，師傅會檢查同清過濾器；要拆過濾器維修會先同你講，另收 HK$290。問題大啲嘅，會建議先安排維修，只收上門費。

剩低嘅味通常嚟自機底排水系統，或者部機長期閂住門太焗。平時門打開少少透氣，定期清過濾器同排水喉。排水系統嘅水唔會倒流返內膽，唔影響衫嘅潔淨。

清洗時鬆咗嘅污垢未必一次排得晒，空機行一兩次可以排走剩低嘅污垢同清洗劑，同時睇下部機運作正常。